Sempre que acontece igual, sucede o mesmo

O biocombustible non é outra cousa que a combinación dun aceite cun alcohol(metanol, normalmente), proceso que se denomina transesterificación.

O problema que plantexan os biocombustibles ata o de agora son moi variados pero os máis importantes son o feito de ter que talar árbores para poder plantar esos cultivos (millo,soia,colza) que producen ese aceite e como consecuencia de isto o encarecemento dos alimentos.

Pero o problema parece que comeza a ter unha solución que son os chamados biocarburantes de 2ª xeración nos que a materia prima non é precisa para a alimentación, tal é o caso da producción de biodiesel a partires do aceite das microalgas.

Os efectos no medio ambiente do seu cultivo son incluso beneficiosos para o medio ambiente xa que capturan moito CO2 na súa fotosíntese e o mellor pódense cultivar no mar ou en terra cun redimento altísimo.

Realmente os primeiros estudos deste proceso xa comenzaron en EEUU na primeira crise do petróleo (anos 70) e quedaron parados cando o petróleo recuperou o seu prezo.

É dicir, como sucedeu e sucede con outro temas (caso do coche eléctrico que xa se investigara fai 20 anos e agora parece que é algo novedoso) parece os seres humanos só innovamos nun sentido cando noutro non podemos continuar.

Por todo isto: sempre que acontece igual, sucede o mesmo.